Lëvizje e bujshme në Policinë e Vlorës, burime të Fax News bëjnë me dije se është shkarkuar drejtori Gentian Shehaj. Në vendin e Shehajt është emëruar Artion Duka, i cili ka qenë më herët drejtor i policisë Berat.
Po duket se për Shehajn arsyeja e shkarkimit është rritja në detyrë, pasi ai pritet që të marrë një detyrë të re në Akademinë e Sigurisë, duke qenë se mban dhe gradën drejtues i parë.
Ai u vendos në krye të Policisë së Vlorës në prill të 2017-tës, në një kohë të trazuar për këtë komisariat, pasi arratisjes së ish-drejtuesit Jaeld Çela, i cili akuzohet se ka ndihmuar grupin e Habilajve.
Kujtojmë se Artion Duka ka qenë dhe Drejtor i Forcave Operacionale (F.O) i përmendur shumë gjatë çështjes së përgjimeve dhe pajisjes misterioze Imsi Catcher që solli debate të shumta dhe në arenën politike.
Në qershor 2016 Duka dhe një specialist tjetër u arrestuan me urdhër të Prokurorisë pasi akuzoheshin për përgjime të paligjshme me pajisjen “IMSI CATCHER” por u kthyen në liri shumë shpejt si edhe në detyrat që kishin.
Vetëm një vit më parë, në prill 2018 Artion Duka u emërua në Drejtorinë e Policisë së Qarkut të Beratit. Për emërimin e tij në krye të Policisë së Beratit pati reaguar edhe PD. Ish-deputeti Flamur Noka deklaroi se Duka përdori pajisjen e famshme IMSI Catcher për të përgjuar gazetarë, politikanë, analistë e ambasadorë.
(E.K/FAXWEB.AL)
