Një sherr masiv ka ndodhur ditën e sotme në fshatin Qafëzez të Korçës me shpërndarjen e ndihmave pas dëmeve që kanë pësuar nga tërmeti që në qershorin e kaluar.
Debati mes banorëve të fshatit dhe kryeplakut ka degraduar me fyerje të rënda dhe përplasje fizike ku më pas janë përfshirë edhe persona të tjerë. Bëhet e ditur se përplasja ka ndodhur për të marrë disa soba druri.
Ndërkohë që pas sherrit ka reaguar edhe kryebashkiaku Erion Isai, ku për FaxNews deklaron se nuk ka punonjës të përfshirë të bashkisë në këtë sherr, ndërkohë që ka pushuar nga puna kryeplakun Ibrahim Osmanin.
“Nuk dua të komentoj këtë ngjarje vulgare. Nëse ka punonjës të bashkisë të përfshirë në këtë sherr në moment do jenë jashtë bashkisë. Ne jemi falenderues ndaj atyre që sjellin ndihma dhe nuk mund ti detyrojme të sjellin 5 apo 105. Nëse kryeplaku i fshatit është perfshire do të jetë jashtë bashkisë.”- u shpreh Isai.
(M.Q/Faxweb.al)
