Shkarkohet Matt Lauer, ikona e ”NBC”, akuzohet për ngacmim seksual në punë

Mëngjesin e sotëm një nga personazhet më të njohura televizive në amerikë Matt Lauer është shkarkuar nga puna.

Televizioni NBC e liroi nga detyra pas mbi 20 vjetësh në emision. Kjo pasi në drejtim të tij është hedhur akuzë për një ngacmim seksual.

NBC thotë se rastj nuk është i izoluar. Duhet thënë se i njëjti shqetësim është ngritur së fundi dhe për senatorë, producentë, yje kinemaje dhe televizioni.  

“Mbrëmjen e së hënës ne morëm një ankesë të hollësishme nga një koleg për sjelljen e papërshtatshme seksuale në vendin e punës nga Matt Lauer,” tha Andrew Lack, presidenti i NBC News, në njoftimin e shpërndarë për mediat.

Ky veprim nga NBC paraqet një nga shembujt e disa ndërmarrjeve që ndërmarrin masa parandaluese mbi ankesat e ngacmimeve seksuale përpara se ndonjë pretendim të bëhej publik.

Lauer kishte pesë vite në televizionin ‘’NBC” dhe ishte shndërruar në një nga figurat më të rëndësishme të këtij ekrani, por ama sjellje të tilla janë të palejueshme.  

(E.K/FAXWEB)