Është shkarkuar nga detyra zëvendës ministrja e Arsimit, Albana Tole.
Vendimi është marrë gjatë mbledhjes së Këshillit të Ministrave këtë të mërkurë.
“Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave vendosi Znj. Albana Tole, zëvendësministër i Arsimit dhe Sportit, lirohet nga kjo detyrë”, thuhet në vendimin e Këshillit të Ministrave.
Ende nuk dihet se kush do ta zërë vendin e Toles, për të qenë numri dy i ministrise se Arsimit.
