Në orët e para të mëngjesit të sotëm policia antimafia e antiterrorizëm e qytetit të Barit maxi operacionin e koduar “Hawala.net” i cili ka çuar në arrestimin e disa shtetasve somaleze në qytetet e Barit, Katanaia e Salerno, si anëtarë të një grupi kriminal që merrej me trafikun e qënieve njerëzore e në lidhje me organizatën terroriste somaleze Al Shabaab.
Grupi kriminal falë lidhjeve me një nëpunës të komunës së Barit administronte trafikun e emigrantëve klandestinë në Itali e në vendet të tjera të Europës Veriore gjithashtu siguronin për trafikantët e emigrantë dokumentacion të rezidencave fallso për shtetas somalezë. Përgjimet telefonike e në internet kanë zbuluar lidhjet e disa anëtërëve të këtij grupi me elementë xhihadistë mes të cilëve dhe një shtetas somalez i arrestuar më 2016 me motivin e favorizimit të hyrjes në territorin italian të dy foreign fighters , militantë të ISIS.
Operacioni “Haëala.net” ka vërtetuar gjithashtu lidhjet e këtij grupi kriminal me xhihadistë të ISIS e me organizatën terroriste “Al Shabaab”. Akuza që rëndon ndaj tyre është pjesëmarrje në organizim kriminal me qëllim qëndrimin ilegal në Itali e në vende të tjera të Europës të emigrantëve klandestinë, favorizim i emigracionit klandestin me qëllim përfitimi, përdorim i dokumentacioneve fallso, korrupsion i shërbimit publik e deklaratë të rreme të dokumentit publik. Ky grup kriminal përdorte kanale ilegale të “money trasfer” sipas sistemit “haëala informatica” për të transferuar sasi parash të dërguar nga familjarët e emigrantëve e të përfituara nga trafikantët si cmim për udhëtimet e klandestinëve kryesisht në Veri të Europës. (S.SH/SHUPLAKA)
