Një ditë më parë, pas shkatërrimit nga Policia e Shtetit e klanit “Bajri”, reagoi edhe nënkryetari i Parlamentit si përfaqësues i opozitës Edi Paloka, i cili shtronte 5 pyetje për ministrin e Jashtëm Ditmir Bushati, lidhur me lidhjet e kryeministrit me klanin mafioz.
Sot deputeti i Partisë Demokratike, Ervin Salianji, ka risjellë në vëmendje pyetjet e deputetit Paloka, ndërsa ka dhënë arsyet se përse Bushati dhe Rama janë “mekur”.
“Bushati nuk iu përgjigj 5 pyetjeve që i adresoi Partia Demokratike dje.
Bushati dhe Rama janë mekur sepse:
– Bushati me porosi të Ramës i ka takuar me dhjetëra herë para fushatës, gjatë fushatës dhe pas saj për t’i kthyer shërbimet grupit të Bajrajve, me emërime, tendera dhe vendosjen e shtetit në shërbim të tyre.
– Gjatë zgjedhjeve grupi Bajraj është përdorur për të kërcënuar dhe intimiduar votuesit e opozitës.
– Rama i ka kërkuar grupit Bajraj, nepermjet Ditmir Bushatit, që të shtojnë numrin e deputetëve te PS ne Qarkun Shkodër sipas “mënyrës së tyre” dhe në këmbim u ka ofruar garanci për të drejtuar ata gjithë interesat në Shkodër.
– Bushati u ka dërguar falenderimet në emër të Ramës pas zgjedhjeve elektorale.
– Komunikimi me Bajrat është i shpeshtë dhe komunikimi i fundit me ta është gjatë muajve të fund”, shkruan Salianji.
Në përmbyllje të reagimit të tij ai shprehet: “Shumë prej qeveritarëve dhe deputetëve të Rames kanë rënë në rrjetën e përgjimeve të partnerëve. Prandaj Edi Rama nuk e pranon vetingun në politikë”.
(B.B/ Faxweb.al)
Discussion about this post