Një operacion ant-drogë në Itali ka vënë në pranga 7 persona nga të cilët 3 janë shqiptarë dhe 4 italianë të cilët ishin pjesë e rrjetit kriminal të prodhimit dhe shpërndarjes së kokainës.
Mediat italiane bëjnë me dije se emrat e personave të arrestuar janë, Bledar Shtembarin, Armand Cuni, Angelica Cazzato, Rudenc Medolli, Domenico Pennaçhietti, Massimiliano Petruçi dhe Erjon Collaku.
Urdhëri për arrestimin e tyre u dha nga gjyqtari hetues Vilma Passamonti i gjykatës së Romës, me kërkesë të Drejtorisë së Anti-Mafiave të Qarkut. Banda italo-shqiptare u shkatërrua pas disa vitesh hetime komplekse.
Aktiviteti I saj konsistonte në marrjen e lëndës narkotike nga Belgjika dhe pastaj, në kryeqytetin italian, përmes një rrjetitë organizuar, do të trafikohej në tregun e Viterbo dhe disa qendra në provincë, të tilla si Canepina dhe Vignanello.
Sipas rindërtimit të skemës me të cilën funksiononte tregtimi i kokainës, grupi e ndante atë në doza dhe pastaj e fshihte brenda kavanozëve të qelqit me oriz brenda për ta ruajtur atë nga lagështia. Kontejnerët u fshehën pastaj në zonat e fshatrave, të përdorura si një depozitë para dorëzimit tek klientët.
(F.GJ/FAXWEB.AL)
Discussion about this post