Një bandë trafikantësh që merreshin me importimin dhe tregtimin e drogës në Milano dhe verilindje të Italisë, është shkatërruar së fundmi. 33 persona kanë përfunduar në pranga, ndërkohë që janë sekuestruar sasi të mëdha droge, armë dhe para.
Policia lëshoi urdhër-arrestet për 33 të ndaluarit, ndër ta 26 italianë dhe 7 shqiptarë. Gjatë hetimeve të kryera u konfiskuan rreth 22 kilogramë kokainë, 30 kilogramë marijuanë, 1.5 kilogramë hashash, armë, gjysmë milionë euro në të holla, 11 automjete, 10 prona, 32 llogari bankare.
Arrestimet u kryen në Milano, Trieste, Treviso dhe Varese. Ende nuk ka informacione mbi identitetet e shqiptarëve të arrestuar.
(XH.A/SHUPLAKA)
