Përgjatë kontrolleve të ushtruara në bashkitë e vendit, Inspektorati Kombëtar i Mbrojtjes së Territorit, ka konstatuar shkelje nga kryeinspektorët apo inspektorët e Inspektorateve të Mbrojtjes së Territorit.
Mësohet se shkeljet që janë vërejtur më së shumti janë: Mosrespektimi i afateve, mosvazhdimi i procedurave ligjore për marrjen e vendimeve si dhe mosushtrimi i funksionit të kontrollit të territorit.
Shkeljet janë vërejtur në bashkitë e Korçës, Pogradecit, Beratit, Lushnjës, Librazhdit dhe Rrogozhinës.
IKMT ka vendosur dënimin me gjobë të këtyre shkeljeve, e cila në total kap vlerën e 4.860.000 lekëve. Aktualisht IKMT është duke vazhduar kontrollin në bashkinë e Sarandës. (XH.A/SHUPLAKA)
Discussion about this post