Shkeljet në Doganën e Tiranës, punonjësve ju mbahen rrogat. Për drejtorin merret masa e…

Ministrja e Drejtësisë, njëkohësisht edhe Koordinatore Kombëtare e Antikorrupsionit, Etilda Gjonaj tha gjatë një deklarate për mediat se Task Forca Antikorrupsion ka marrë 13 masa disiplinore në Degën Doganore Tiranë.

Gjonaj bëri të ditur gjatë kontrolleve të bëra janë gjetur një sërë në këtë doganë dhe për pasojë janë marrë sipas saj edhe masat administrative.

Ministrja njoftoi se ndaj kreut të Degës Doganore të Tiranës është marrë masa e  pezullimit nga e drejta e rritjes në detyrë dhe gjithashtu lajmëroi se e njëjta masë, është dhënë edhe për Përgjegjësin e Zyrës së Kontrollit Fizik.

Ndërkohë për 8 punonjës të tjerë, ministrja bëri me dije se u vendos mbajtja e 1/3-ës së pagës për 6 muaj.

 “Strukturat përgjegjëse te degës doganore Tiranë, nuk kanë respektuar procedurat dhe kërkesat e parashikuara në ligjin për evidentimin ndjekjen dhe ekzekutimin e vendimeve administrative të marra nga autoriteti doganor, për vjeljen e detyrimeve doganore të akcizën dhe rikuperimin me forcë të borxhir doganor për periudhën Janar –Dhjetor 2018. Gjithashtu u konstatuan praktika zddoganimi që nuk administrojnë procesverbalin e kontrollit fizik të formulaurt të rivlerësimit doganor, certifikatat e vlerësimit të llojit të mallit dhe klasifikimit tarifor, flet-analizat në mos respektim të parashikimeve ligjore. Gjatë kontrollit janë evidentuar akte kontrolli jo të plota. Duke mos pasqyruar rezultatet e plota të kontrollit fizik sipas kërkesave që përcaktohen aktet nënligjore”, deklaroi ministrja Etilda Gjonaj.

Më poshtë, masat disiplinore:

1. Masë disiplinore pezullim nga e drejta e ngritjes në detyrë përfshire dhe rritjen në shkallën e pagës për një periudhë deri në 2 vjet, për kryetarin e degës doganore Tiranë, i cili ka qenë në detyrë në periudhën e konstatimit të shkeljeve.
2. Të njëjtën masë edhe për Përgjegjësin e Zyrës së Kontrollit Fizik.
3. Masë disiplinore me mbajtjen deri në 1/3 e pagës së plotë për një periudhë deri në 6 muaj, për 5 doganierë të kësaj degë dhe 2 specialistë të zyrës së rikuperimit më forcë të borxhit doganorë, si dhe për specialistin pranë zyrës juridike.
4. Vërejte me shkrim për 3 doganierë pranë sektorit të operacioneve doganiere.
5. Gjithashtu janë rekomanduar edhe 17 masa administrative me qëllim përmirësimin e veprimtarisë së këtij institucioni dhe vendosjen e ligjit në veprimtarinë e Doganave.

(F.GJ/FXWEB.AL)