Prokuroria e Përgjithshme ka nisur një hetim për deputetin e LSI-së Shkëlqim Selami. Sipas njoftimeve të para hetimi për deputetin Selami është nisur për shkak se nuk ka deklaruar një dënim që ka marrë jashtë vendit.
Ai është thërritur nga sektori i Dekriminalizimit në Prokurorinë e Përgjithshme. Mësohet se hetimi për të është rregjistruar para katër ditësh.
Sipas akuzave të Partisë Demokratike, ai është akuzuar për trafik qeniesh njerëzore jashtë vendit, specifikisht në Itali, gjatë viteve ’90. Ndërkohë që vetë deputeti i ka quajtur sajesa dhe shpifje të ulëta këto akuza.
Vetë deputeti është paraqitur paraditen e sotme pranë ambjenteve të Prokurorisë. Pas daljes nga Prokuroria deputeti nuk ka dhënë asnjë deklaratë. (E.K/SHUPLAKA)
Discussion about this post