Djali i ish-kryeministrit Berisha, Shkëlzen Berisha, sulmon nëpërmjet rrjeteve sociale deputetin socialist Alfred Peza, lidhur me blerjen e një miliardë lekë aksione në një bankë të nivelit të dytë.
Gjatë ditës së sotme ne media u publikua një vendim gjykate lidhur me marrëveshjen e divorcit mes Pezës dhe ish-bashkëshortes Adelina Tole.
Në këtë vendim gjykate, Peza deklaronte se në televizionin “Ora News” e kishte rrogën 80 mijë lekë dhe nuk paguante dot detyrimet për të birin.
Pas kësaj, Shkëlzeni shkruan me ironi në Facebook se nuk di më se cilin Pezë të besojë.
“Cili Peze thote te verteten ? Ai qe nuk paguan per te birin, se e ka rrogen vetem 80 mije leke te Ora News ? Apo ai qe thote se ka kursyer 1 milion dollarë sepse paguhet mijera euro tek Ora News ?!?”, shkruhet në postimin e Shkëlzen Berishës.
Sakaq, djali i ish-kryeministrit ka publikuar edhe një video nga deklarata e disa ditëve më parë të Pezës.(D.D/Shuplaka)
Discussion about this post