Djali i ish-Kryeministrit, Shkëlzen Berisha ka reaguar ndaj akuzave më të fundit të deputetit të Partisë Socialiste, Taulant Balla, i cili tha se është përfshirë në afera korruptive që kanë të bëjnë me marrëveshjen e CEZ me Shqipërinë.
Sipas kryetarit të komisionit parlamentar hetimor për CEZ, hetimet kanë zbuluar se shtetasi Nuel (Nue) Kalaj, miku i ngushtë i Shkëlzen Berisha, ka marrë nga CEZ, transferta bankare mbi 7 milionë euro.
Por, Shkëlzen Berisha thotë se nuk ka asnjë lidhje me aktivitetin tregtar të Kalajt dhe nga ana tjetër, akuzoi Ballën si “bixhozxhi” që nuk paguan detyrimet me vendim gjykate.
Postimi i plotë i i Shkëlzen Berishës:
Sot, papagalli i shpifjeve te Edi Rames, me urdherin e kryetarit, ka zgjeruar rrethin e miqve te mi te ngushte, me nje person me te cilin dhe aktivitetin e te cilit, nuk kam asnje lidhje.
I denuar me vendim te formes se prere nga Gjykata e Apelit per shpifje, genjeshtari i Rames vazhdon avazin e vjeter me trillime te reja, me shpresen se keshtu do mbuloje sarajet e kryetarit ne Surrel. Te ndertuara me ”placken” e Rames nga marreveshja me CEZ, per te vjedhur dhe ndare, 630 milione euro nga xhepat e shqiptareve.
I bej thirrje Rames qe para se ti ngarkoje shpifje te reja, ta detyroje papagallin, te mos lere ”puplat” ne kazino, por te zbatoje vendimin e gjykates dhe te paguaje parate per shpifjet e vjetra. (A.R/SHUPLAKA)
Discussion about this post