Në aksin rrugor Korçë-Kapshticë gjatë natës është grabitur një pikë karburanti. Ngjarja ka ndodhur në afërsi të fshatit Dishnicë, në Korçë.
Po kështu ka pasur edhe shkëmbim zjarri mes autorëve dhe policisë. Nuk dihet ende shuma e grabitur në pikën e karburantit por dyshohet se ata kanë grabitur një shumë të madhe parash.
Ngjarja:
Autorët janë larguar me shpejtësi nga vendngjarja me një automjet pasi mësohet se kanë dhunuar punonjësin e objektit. Grabitësit janë ngjitur në katin e dytë për te kasaforta, ku pasi kanë marrë paratë kanë tentuar të largohen nga vendngjarja, por aty menjëherë ka mbërritur policia, e cila u njoftua nga roja e karburantit teksa 4 personat përpiqeshin të hapnin kasafortën.
Uniformat blu janë vënë në ndjekje të grabitësve dhe u kanë kërkuar atyre të ndalojnë, por ata kanë qëlluar me armë zjarri në drejtim të policisë. Mësohet se për disa çaste ka patur shkëmbin zjarri mes forcave të policisë dhe 4 grabitësve, të cilët kanë arritur të largohen me një automjet. Në të gjitha rrugët hyrëse dhe dalëse të qytetit raportohet të jenë ngritur postblloqe dhe po punohet për identifikimin dhe kapjen e tyre. (J.V/Shuplaka)
[ngg_images source=”galleries” container_ids=”1206″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post