Shkëmbim zjarri në mes të detit në Greqi, gomonia me drogë nga Shqipëria tenton të futet në Turqi

Një operacion i madh antidrogë po zhvillohet në ujërat territorial greke, pasi një gomone që dyshohet se ishte nisur nga Shqipëria ka tentuar të futet në ujërat turke.

Operacioni po zhvillohet në Portin e Lesvos në jug për të identifikuar dhe ndaluar dy anije të dyshuara për trafik droge.

E para nga dy anijet ka ngecur pasi është qëlluar nga Rojëa Bregdetare me snajper nga helikopteri. Ndërkaq janë arrestuar tre persona të cilët po transferohen në portin e Mytilene. Ata janë dy persona me origjinë shqiptare dhe një italian.

Varka që kishte lëvizur në mënyrë të dyshimtë me ditë në bregdetin shqiptar për në Turqi u vu re së fundmi në afërsi të bregdetit turk përballë Lesvos.

Ajo u ndoq nga rojet bregdetare turke, por ishte e pasuksesshme, dhe pastaj u ndoq nga 10 anije Greke të Marinës me ndihmën e helikopterëve dhe anijeve të Frontex.

Përfundimisht varka u ndalua dhe u transferua në Lesvos për hetime të mëtejshme, ndërsa hetimet vazhduan për gjetjen e të dytës.