Gjykata Kushtetuese ka marrë në shqyrtim në seancë plenare, ligjin ‘Për Akademinë e Shkencave’, për të cilin PD ka kontestime ndaj tij.
Në një deklaratë për mediat, deputetja demokrate, Ina Zhupa e cila ka kontestuar ligjin ‘Për Akademinë e Shkencave’ në Kushtetuese, thotë se i janë drejtuar trupës me 3 kërkesa, të cilat sipas saj, nuk u mor asnjë përgjigje. Është e patolerueshme, theksoi ligjvënësja demokrate, që Kuvendi dhe Akademia e Shkencave të dalin me dy qëndrime të ndryshme.
Po ashtu, Zhupa tha se ëshët e papranueshme që akademikët që konkurrojnë për poste të larta në Akademi, të skualifikohen për shkak të kriterit të moshës, një shkelje kjo e hapur e Kushtetutës së Republikës.
Absurdi ishte që s’ka një vendim nga trupa gjyqësore dhe ne kemi marrë përgjigje nga administrata e GJ.K. Ata duhet të mblidheshin sot e të na jepnin një arsyetim, letra nga administrata është në shklelje të Kushtetutës dhe ligjit, duke minuar procesin.
Thirrjen e dy deputetëve për të dëshmuar, se përse se kanë deklaruar se ligjin e kanë marrë nga Akademia e Shkencave apo e kanë iniciuar vetë. Sepse ne kemi dy qëndrime, na ka ndodhur absurdi që brenda Akademisë së Shkencave dhe Kuvendit, kemi dy qendrime të ndryshme. Pasi Kuvendi thotë se ua kemi dhënë ne deputetëve. Deputetët s’kanë deklaruar një gjë të tillë në seanca publike, as në dokumentet parlamentare.
S’ka një kërkesë të protokolluar për nënshkrimin elektronik. Është votuar një ligj pa raportet e relatorëvë, në shkelje të Kushtetutës. Në pikëpamjen substanciale që është shkelur Kushtetuta, që të gjitha janë të barabartë para ligjit, që akdanmikët mbi 75 vjeç nuk mund të konkurrojë për kryetar apo pjesë e asamblesë së forumit. Kryetari gëzon privilegje, ndryshe nga anëtarët.
Kushtetuesja të krijojë një standard për Kuvendin, që të mos lihen vetëm në dorën e mazhorancës, por konform rregullave të procedurave parlamentare.
