Shkëndija nuk ka mundur të shkruajë histori në kompeticionin e Europa League, pasi është mundur edhe në Shkup me rezultatin e pastër 2-0 ndaj Rosenborg-ut të Norvegjisë.
Tetovarët dominuan që në minutat e parë të lojës, pasi krijuan disa raste të mirëfillta goli, por rrjeta nuk u tund në asnjë moment. Në minutën e 20, Besart Ibrahimi pati një mundësi të artë, pasi përfitoi një penallti, por portieri priti gjithçka, pasi një gol do të bëntë të mundur të hapte lojën në favor të kuqezinjve.
Në fraksionin e pjesës së dytë, kanë qenë prapë kampionët në fuqi të Maqedonisë që kanë përfituar një 11-metërsh, por Emini nuk bërë asgjë më shumë, sa bëri Ibrahimi, duke mos ndryshuar aspak shifrat në 0-0.
Ndërkohë, të besuarit e Osmanit janë rikthyer fuqishëm, teksa zhbllokuan shifrat me Hovland në minutat 67’ dhe në minutën e 84′ Hedenstad likuidon tetovarët, duke bërë që ti thonë një herë e mirë lamtumirë edhe Europa League. Kujtojmë që në ndeshjen e parë të zhvilluar në Norvegji, Shkëndija është mundur me rezultatin 3-1./Sportplus
