Studentët vijojnë protestën e tyre në ditën e 13-të të tyre, ndërsa pasi nuk morën përgjigje nga kryeministri vendosën që ta përshkallëzonin atë, duke bllokuar disa prej pikave kryesore të kryeqytetit.
Një pjesë prej studentëve u zhvendosën në rrethrrotullimin e Zogut të Zi, duke bllokuar kështu kalimin e mjeteve.
JOQ.al, ka publikuar një videodenoncim nga studentët ku sipas tyre gazetarja Mira Kazhani, ka tentuar t’i shtypë me makinë pasi është bllokuar në rrugë.
Në videon e publikuar shihet se si Kazhani u kërkon studentëve të hapin rrugën, ndërsa i jep edhe gaz makinës. Por pavarësisht përpjekjes për të kaluar, Kazhani nuk ia arrin dot dhe pas disa minutash është tërhequr.
Studentët e kanë njohur atë dhe me ironi i kanë thënë, “shko e voto Edi Ramën, ne nuk jemi partiakë”. Mira Kazhani, njihet për qëndrimet e saj pro qeveritare, e si duket nga kjo studentët janë ndjerë të irrituar dhe nuk e kanë lejuar të kalojë.
Studentët shprehen se nuk kanë një organizator dhe do të vijojnë të qëndrojnë tek Zogu i Zi.
VIDEO:
Discussion about this post