Shkodër, 13 maj 2025 – Drejtoria Vendore e Policisë Shkodër informon se rreth orës 11:00, në fshatin Bardhaj, është gjetur pa shenja jete në oborrin e banesës së saj shtetasja D. M., 65 vjeçe.
Sipas të dhënave paraprake, dyshohet se 65-vjeçarja është vetëvarur. Trupi i pajetë është konstatuar nga familjarët e saj, të cilët kanë njoftuar menjëherë autoritetet.
Grupi hetimor ndodhet në vendngjarje dhe po punon për sqarimin e plotë të rrethanave dhe shkaqeve që çuan në këtë ngjarje tragjike.
