Drejtoria Vendore e Policisë Shkodër ka ndërmarrë disa veprime procedurale ndaj shtetasve të ndryshëm, për vepra penale të konstatuara në territorin e qarkut.
- U arrestua në flagrancë shtetasi A. M., 64 vjeç, banues në fshatin Stajk, për drejtim mjeti në gjendje të dehur.
- U procedua në gjendje të lirë shtetasi I. M., 66 vjeç, që transportonte pasagjerë me taksi pa licencë.
- Shtetasi A. P., 54 vjeç, banues në Itali, u procedua pas kallëzimit se kishte hapur një profil në “Facebook” me të dhënat e një shtetaseje dhe kishte publikuar fotot e saj.
- U proceduan për ndërtim pa leje shtetasit Gj. L. (Shkodër), A. K. (Malësi e Madhe) dhe R. Sh. (Vau i Dejës).
- Shtetasi S. T., 65 vjeç, nga Guri i Zi, u procedua për lidhje të paligjshme të energjisë elektrike në biznesin e tij.
- Po ashtu, u referuan në Prokurori materialet për një kallëzim të një shtetaseje 25-vjeçare, se djali i saj 3 vjeç është dëmtuar në çerdhe.
Të gjitha materialet iu referuan Prokurorisë së Shkodrës për veprime të mëtejshme.
