Shkodër/ Banorët bëjnë thirrje për ushqim. Ja cilat rrugë mbeten problematike

Fax News raporton se situata në territorin e Bashkisë së Shkodrës paraqitet kryesisht me reshje të normalizuara shiu.

Por në zonat malore prania e dëborës sjellë vështirësi në qarkullin. Bëhet e ditur se:

Rruga Prekal-Theth është e bllokuar në segmentin rrugor të Malit të Shoshit ku trashësia e dëbores arrin 1 metër.

Rrugët e brendshme që lidhin disa fshatra në njësinë administrative Pult gjithashtu janë të bllokuara.

Rruga për në fshatin Bruçaj në Qafë-Thanë është e bllokuar.

Rruga për në fshatin Mazrek të njësisë administrative Gur i Zi, është e bllokuar.

Në njësinë administrative Ana e Malit janë të përmbytura mbi 300 ha.

Sipas Fax News problem shqetësues paraqiten edhe punimet që po bëhen në rrugën e Velipojës pasi në fshatin Trush janë bllokuar kanalet anësore dhe ka përmbytje të tokave që janë afër rrugës.

Bëhet e ditur se njësia administrative Dajç ka probleme me furnizimin me energji elektrike. Gjithashtu si pasojë e shembjes së kanalit të Ndërlysës njësia Shosh dhe Shalë janë pa energji elektrike.

E rëndësishme për t’u njoftuar është se në zonat malore, rezervat ushqimore janë drejt pakësimit, për faktin se nuk ka shumë dyqane.

Nga Fax News bëhet e ditur se fermerët në zonat malore kërkojnë furnizim nnnë ushqim për kafshët.

(E.L/Faxweb)