Shkodër/ Sherri mes të majtëve dhe punonjësve të bashkisë, reagon PS-ja: U dhunuan dhe penguan në…

Partia socialiste, Dega shkodër ka reaguar lidhur me përplasjen e sotme të ndodhur në këtë qytet midis punonjësve të Policisë Bashkiake dhe simpatizantëve të PS-së pranë ambiienteve të KZAZ-së nr 2.

PS dënon aktin e dhunimit të përsëritur, sipas saj të ambjenteve të KZAZ nr. 2 dhe materialeve zgjedhore për zgjedhjet e 30 qeshorit 2019.

“Incidenti i sotëm është në vazhdën e një sërë incidentesh të provokuara nga Bashkia Shkodër kundër procesit zgjedhor me synim pengimin e qytetarëve për të ushtruar të drejtën kushtetuese të votimit”, shkruhet në këtë reagim.

Dega e Partisë Socialiste në shkodër pretendon se anëtarët e KZAZ-së, janë dhunuar dhe penguar në ushtrimin e detyrës të anëtarëve të saj.

Reagimi i plotë:

Partia Socialiste Bashkia Shkodër, dënon me forcë aktin e dhunimit të përsëritur të ambjenteve të KZAZ nr. 2 dhe materialeve zgjedhore për zgjedhjet e 30 qeshorit 2019.

Incidenti i sotëm është në vazhdën e një sërë incidentesh të provokuara nga Bashkia Shkodër kundër procesit zgjedhor me synim pengimin e qytetarëve për të ushtruar të drejtën kushtetuese të votimit.

Përveçse anëtarët e KZAZ nr.2 u dhunuan dhe penguan në ushtrimin e detyrës tyre, Bashkia Shkodër kundërshtoi  veten me dy urdhra, ku në të parin urdhëroi tërheqjen e materialeve zgjedhore dhe me të dytin pengoi anëtarët e KZAZ-së në tërheqjen e materialeve.

Partia Socialiste distancohet, dënon aktet e dhunës si dhe i bën thirrje autoriteteve përkatëse të hetojnë deri në fund ngjarjen dhe të vejnë para drejtesisë personat përgjegjës.

(F.GJ/FAXWEB.AL)