21 vjecari, Edmir Nilaj i cili u plagos katër muaj më parë në ngjarjen e regjistruar në Beltojë ka ndërruar jetë në spital. Fax News raporton se ai qëndroi për 4 muaj, në gjendje të rëndë shëndetësore, dhe nuk ka arritur ti mbijetojë plagëve të marra, pavarësisht kujdesit të bluzave të bardha.
Ngjarja u regjistruar, ne oret e para të mëngjesit të 3 shtatorit, rreth ores 03:35 kur 21 vjecari nga fshati Vukël në Malësinë e Madhe mori një plumb në kokë, por edhe dëmtime në kafkën e tij teksa ishte goditur.
Ngjarja ndodhi në fshatin Beltojë të njësisë Bërdicë. 21 vjecari u dërgua menjëherë në spitalin rajonal të Shkodrës qëndroi për 4 muaj në gjendje kritike për jetën. Policia dyshon se autor i plagosjes së rëndë është shtetasi Admir Dekovi.
Policia në atë kohë shpalli në kërkim shtetasin Admir Dekovi por që atëherë ende nuk është arritur që të arrestohet. 35 vjeçari më përpara ka punuar si komando në ushtrinë shqiptare ndërsa vitet e fundit bënte punën e bodiguardit në lokalet e ndryshme të natës.
Efektivët vazhdojnë punën për kapjen e 35 vjeçarit Admir Dekovi. (M.Q/Faxweb)
