Është zbardhur ngjarja e djeshme në Korçë, ku një 29-vjeçar shkoi në spital me plagë thike. Sipas bluve, i riu me iniciale R. K., është vetëdëmtuar thikë pas një konflikti me bashkëshorten dhe vjehrrin e tij.
29-vjeçari raportohet se ishte në gjendje të dehur kur dëmtoi veten dhe aktualisht po merr ndihmë mjekësore jashtë rrezikut për jetën.
Ndërkohë policia ka nisur procedimin penal ndaj 29-vjeçari pas ngjarjes.
DVP Korçë
Në vijim të informacionit paraprak të dhënë ditën e djeshme, ku shtetasi R. K., 29 vjeç, shkoi i dëmtuar me mjet prerës thikë, në spital, ju informojmë se: Nga e hetimet e kryera nga Specialistët e Hetimit të Krimeve në Komisariatin e Policisë Korçë, u referuan materialet në Prokurori, ku filloi procedimi penal për shtetasin K. R., 29 vjeç, banues në Korçë, pasi dyshohet se në gjendje të dehur pas një konflikti me bashkëshorten dhe vjehrrin e tij, ky shtetas është vetëdëmtuar me mjet prerës thikë dhe aktualisht po merr ndihmë mjekësore jashtë rrezikut për jetën.
Specialistët e Hetimit të Krimeve në Komisariatin e Policisë Pogradec referuan materialet në Prokurori, ku filloi procedimi penal për shtetasin E. Gj., 49 vjeç, banues në Pogradec, pasi dyshohet se ka goditur me grusht një 47-vjeçar, për motive të dobëta.
Specialistët e Hetimit të Narkotikëve referuan materialet në Prokurori, ku filloi procedimi penal për shtetasin M. O., 21 vjeç, banues në Korçë, pasi gjatë kontrollit fizik, iu gjet dhe u sekuestrua një sasi lënde narkotike cannabis sativa.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë.
Discussion about this post