Të hënën nis viti i ri shkollor. Mirëpo në Tiranë disa gjimnaze do ta nisin punën me dy turne. Pavarësisht se ndërtimi i tri shkollave të reja nga Bashkia e ka lehtësuar mbingarkesën për disa institucione arsimore, problemet e mësimit me turne vazhdojnë edhe këtë vit.
Gjimnazi ‘Ismail Qemali’, ‘Sami Frashëri’, si edhe 33 shkolla të tjera 9-vjeçare do të vijojnë ta zhvillojnë mësimin me dy turne.
Në një prononcim për Ora News, drejtorja e DAR Tiranë, Arjola Byzyka, tha se këto institucione arsimore janë gati të presin nxënësit në 11 shtator, ndërsa shton se e vetmja mënyrë për të zgjidhur situatën është ndërtimi i institucioneve të reja.
“Kishim tre gjimnaze me turn të dytë, tani kemi vetëm dy. Nga 14 kemi vetëm 2.Gjimnazi “Sami Frashëri” dhe “Ismail Qemali” që janë gjimnaze të një kapaciteti shumë të madh, edhe për nga infrastruktura kanë kapacitete shumë të madh por edhe nga numri i nxënësve. Kjo është beteja jonë e së ardhmes që edhe këto dy gjimnaze ti kalojmë me një turn. Shkollat 9 vjeçare çdo vit vinë dhe reduktohet numri i turneve të dyta.Por akoma kemi një shifër që na trishton, 33-34 shkolla nga 67 sërish do të jenë me dy turne.”, shprehet Ajola Byzyka. (D.D/Shuplaka)
Discussion about this post