Shkolla te UBT-ja, përplasje me banorëve dhe studentëve (VIDEO)

Tension mes studentëve të UBT dhe banorëve të Kodër Kamëz të cilët shprehen se janë pro ndërtimit të shkolës.

Ata shprehen se janë pro ndërtimit të shkollës dhe mbështesin kryetarin Erion Veliaj. Në ambientet e këtij universiteti ku janë mbledhur studentë që protestojne dhe banorë që kërkojnë ndërtimin e shkollës 9-vjeçare ka pasur dhe përplasje fizike mes tyre.

“Jam që të fillojë puna. Unë e njoh Universitetin. Studentët e kanë vendin e praktikave në Valias. Në atë territor duhet  të ndërtohet kjo shkollë. Paguajmë shumë që të shkojnë fëmijët në shkolla, rreth 3 mijë lekë”, tha njëri nga banorët.

“Shyqyr Erion Veliajt iu dha mundësia të kompensojë pronarët, dhe të ndërtojë këto shkollë. Janë tre pronarë që janë dëmshpërblyer. Studentët ikin mbarojnë ciklin e tyre por ne jetojmë këtu dhe kemi nevojë për ndërtimin e një shkollë. Të fillohen punimet, kam qenë dhe tre herë të tjera në këtë protestë. Duhet të fillojnë menjëherë punimet.”

Banorët po ashtu shprehen se: “Kjo nuk është zgjidhje , ne kemi kërkuar shkollë këtu. Jemi banorë të vjetër. Këta vijnë e rrinë 3 muaj dhe ikin.  E kemi kërkuar shkollën dhe deputetit kur ka ardhur. Këta këto që thonë i kanë gënjeshtra, vijnë këtu  5 student dhe thonë se kemi mbështetjen e petagogëve. Ku janë pedagogët?”

Ndërkohë studentët janë shprehur se nuk janë kundër ndërtimit të shkollës, por spostimit të godinës së re 200 metra më tej, duke mos prekur kësisoj dhe territorin e UBT-së.

Studentët ndër të tjera ata thonë se: “Ne jemi pro ndërtimit të shkollës, por jemi kundër vendit ku do të ndërtohet kjo shkollë. Ne si student dhe staf petagogjik jemi me ju, me banorët, por jemi me idenë që ky objekt të zhvendoset 200 metra me tutje. Në mbledhjen e djeshme nuk kemi marrë pjesë sepse ishte një mbledhje e stisur me ftesa. Unë si student me shokët e mi e kemi parë nga televizori nga shtëpia”.

“Këta po na bëjnë të përplasemi mes njëri tjetrit, por zgjidhja është shumë e thjeshtë spostimi 200 metra më tutje. A është e moralshme, a është e rregullt që një 20-vjeçar të jetë në një ambient me një 20-vjeçar”, tha një tjetër student.

Njëra prej banoreve në protestë ka brohoritur përballë studentëve me thirrjet: Rroftë Erion Veliaj që po ndërton shkollën! Rroftë Edi Rama! Rroftë! Kjo punë është e kryer. Ju jeni ngelsa nuk keni marrë akoma vitin e parë. Çfarë kërkoni ju?