Banorët pranë shkollës Teknologjike në Tiranë nuk do të kenë energji elektrike për një kohë të papërcaktuar.
Shkak është bërë dëmtimi i kabullit ajror të tensionit ulët si dhe thyerja e dy shtyllave nga punonjësit e firmës “Salillari”, të cilët po punojnë në këtë zonë.
OSHEE njofton se punonjësit e saj kanë nisur punimet për të riparuar këtë defekt, dhe se mbi firmën e ndërtimit “Salillari” do të bëhet një kallëzim penal.
“OSHEE bën me dije se firma “Salillari” e cila kryen punime në rrugën F.Bardhi në Autostradë ka dëmtuar kabullin ajror të tensionit të ulët si dhe ka thyer 2 shtylla duke lenë pa energji shkollën “Teknologjike” dhe abonentët përreth. Ekipet e OSHEE po punojnë për riparimin e dEfektit. OSHEE do të marrë të gjitha masat duke bërë kallëzim penal për firmën në fjalë”, reagon operatori I shpërndarjes së energjisë elektrike.
