Shkon në 16 numri i fëmijëve të prekur me COVID 19, ministria jep detajet për gjendjen e tyre

Në raportimin ditor zv.ministrja e Shëndetësisë Mira Rakacolli tha se mes të prekurve me COVID 19 janë dhe 16 fëmijë.

Sipas Rakacollit ndonëse kanë testuar pozitivë, asnjëri prej tyre nuk ka pasur nevojë për trajtim spitalor.

Zv. Mira Rakacolli tha për mediat se “deri tani janë 16 fëmijë të prekur nga koronavirusi por fatmirësisht asnjëri nga ata nuk ka pasur nevojë asnjëherë për kujdes spitalor dhe janë në gjendje shumë të mirë”.

Zv.ministrja u shpreh gjithashtu se : “deri tani nuk ka asnjë grua shtatzënë me COVID-19 që të ketë sjellë në jetë fëmijën e saj”.

Kujtojmë këtu se pak më herët, Ministrja e Shëndetësisë Ogerta Manastirliu njoftoi se në 24 orët e fundit kanë 34 foshnja vetëm në Tiranë dhe gjatë gjithë periudhës së epidemisë, 1470.

Në asnjërin prej këtyre rasteve, nënat nuk kanë qenë të prekura nga koronavirusi.