Shkon në 51 numri i viktimave të tërmetit, vdes në spital 20-vjeçarja Xhesika Biqiku.
Xhesika Beqiku 19 vjec është viktima e parë e tërmetit në Tiranë. Sipas mjekëve Xhesika kishte pësuar çarje në kokë pasi i ishte goditur nga parapeti i tarracës ndërsa dilte jashtë bashkë me familjen e saj.
Të dëmtuar në spital janë dhe nëna e Xhesikës Rozeta e cila ka këmbën e thyer si dhe çarje në kokë. Gjithashtu dhe e motra e viktimës 20-vjeçare, Sabina 22 vjeç ka nje kembe të thyer si dhe çarje në shpatull.
Të tre femrat u dëmtuan kur vrapuan nga banesa e tyre në Kombinat për të dalë jashtë dhe u goditën nga një mori tullash që i zunë poshtë.
I ati i Xhesikës, prej disa ditësh bënte apel që ta nisnin 20-vjeçaren drejt Italisë pasi ishte në gjendje të rëndë.
“Vajza e vogël Xhesika është shumë rëndë. I kanë rënë tullat në kokë. Goca dhe gruaja janë me fraktura. I lutem qeverisë dhe Edi Ramës të ma dërgojë vajzën në Itali sepse këtu nuk bëhet ka shumë dëmtime në tru, dje erdhën doktorët italianë dhe po i rrinë tek koka.
Vetëm Edi Rama e ka në dorë. I lutem shumë, ja di për nder nëse ma shëron gocën. Falënderoj mjekët që i kanë qëndruar tek koka. Vajza është 20 vjeç. Ta dërgojnë në Itali ose Turqi, ku të dojë qeveria.
Shtëpia ka dalë jashtë përdorimit. Pallati është i pabanueshëm. Gruaja me fraktura në kokë dhe këmbën e ka allçi. Ashtu edhe vajza Sabina ka fraktura në kokë dhe me allçi tek këmba.
Xhesika është shumë keq. Vetëm mjekët italianë e shërojnë.
Emri i ka dalë për të shkuar në Itali. Këtë e ka në dorë qeveria, Edi Rama.
Nuk kam biseduar me vajzën, vetëm e kam parë. Ishte keq.”, apelonte i ati vetem nje ditë më parë. Sot është një ditë zie në familjen Biqiku e cila sapo ka humbur vajzë 20-vjeç, studente e arkitekturës, ndërsa 2 pjesetare te tjera ndodhen në spital.
Nga tërmeti katastrofik 6.3 i shkallës rihter në Shqipëri derimë tani janë shënuar 51 viktima dhe mbi 900 të plagosur, ndërsa kanë humbur banesat mijëra të tjerë.
Discussion about this post