Shkon për të dëgjuar apo për të folur vetë? Ç’ndodhi sot me takimin e Ramës në Vaqarr

Kryeministri Rama duket se ende nuk është shkëputur nga retorika e përdorur gjatë fushatës.

Edhe sot gjatë një takimi me banorët në Vaqarr ai ka rifilluar me termat e timonit dhe fushatës pavarësisht se në zgjedhjet e 25 Qershorit arriti të siguronte 74 mandate.

Rama ka vijuar me konceptin e tij të një koalicioni të madh, atij me qytetarët. Po pavarësisht se ky është turi i dëgjesave Rama nuk iu ka kursyer gjysmë ore kohë qytetarëve për të folur vetë. 

Pas më shumë se 30 minutash fjalim Rama u kujtua që tani ishte rradha e qytetarëve për të shprehur shqetësimet e tyre. 

 “Po ndërtojmë bazën e një koalicioni të madh që do të jetë fuqia e domosdoshme për sfidat shumë të mëdha që kemi përpara. Koalicion i madh mes PS dhe njerëzve të zakonshëm, të cilët duam t’i bëjmë pjesë aktive të qeverisjes. Kjo për shkak të të shkuarës, por edhe pse është e re, tingëllon si një mënyrë për të komunikuar dhe për të thënë që ne jemi me njerëzit dhe kaq.

Por nuk është kaq, sepse unë besoj shumë se edhe falë teknologjisë së re, përdorimit masiv të internetit, të krijomë bashkëqeverisje reale ku cdo individ që do të jetë pjesë e një trupe të madhe, ministra, deputetë dhe drejtues të PS që do të qeverisë e vetme vendin pa koalicion me parti të tjera dhe vetë njerëzve të jetë trupë që komunikon në kohë reale për problemet, nismat e ndryshme të qeverisë”- tha Rama.

Sigurisht kjo ishte vetëm një pjesë e fjalimit pasi edhe televizionet duket se nuk kanë interes për të ndjekur më tej shqetësimet e banorëve. (E.K/SHUPLAKA)