Shkon të inagurojë Urën e Bunës, Rama s’i ndal sulmet ndaj Ademit: Nuk do merremi me këmbët e prishura të tyre.
Kryeministri Edi Rama ka qenë i pranishëm sot në inagurimin e Urës së Bunës në Shkodër.
Dhe siç është bërë zakon nga ky qytet kryeministri ka sulmuar sërish kryetaren e Bashkisë së këtij qyteti, Voltana Ademi duke thënë se: “nuk do merremi me këmbët e prishura të atyre që qeverisin Shkodrën”.
Kujtojmë se kjo Urë është bërë edhe më parë një mollë sherri mes partive politike në Shkodër. Pak muaj më parë Rama postonte foton e urës së shkatërruar.
Mirëpo nuk mungoi as përgjigja e kryebashkiakes e cila sqaronte se kjo urë ishte në pronësi të Ministrisë së Mbrojtjes.
“Le të mos merremi me këmbët e prishura të atyre që qeverisin Shkoddrën, po dua të kujtoj që kur ishim duke ardhur këtu pamë kantierët që janë hapur për ndërtimet e rrugëve.
Kështu zbatohen dëshirat e kahershme të banorëve këtu për t’u lidhur me plazhin. Nuk mbaron këtu se për ne është me rëndësi të madhe të çojmë përpara një projekt stategjik për Shkodrën’’, u shpreh Rama. (E.K/SHUPLAKA)
Më poshtë janë dhe fotot nga Shkodra si duket pamja e Urës së Re:
