Një punonjës policie ka mbetur i plagosur ditën e djeshme në kryeqytet. Ai ka shkuar që të shuajë një konflikt në lokalet e Tiranës pas njoftimit për prishje të qetësisë publike, por ka mbetur vetë i plagosur.
Ka qenë një telefonatë e qytetarëve për prishje të qetësisë publike ajo që ka bërë punonjësin e policisë me iniciale E.V të mbërrijë në vendngjarje.
NJOFTIMI I POLICISË;
Më datë 29.05.2017, rreth orës 03:24, ka patur njoftime në numrin e emergjencave 112 për prishje të rendit dhe qetësis, në rrugën “Robert Zhvarc”, tek një lokal, me pronar shtetasin A. S.
Në adresën e sipërpërmendur ka shkuar patrulla e policisë, të cilët gjatë mbylljes së lokalit, janë konfliktuar me 6 persona të cilët ishin në gjendje te dëhur në brendësi të këtij lokali dhe gjatë daljes së këtyre personave punonjesi i policisë E. V. është goditur me sende të forta në kokë, i cili u dërgua në spital për mjekim.
Menjëherë punonjësit e policisë kanë ndërhyrë dhe kanë bërë të mundur shoqërimin në ambientet e Komisaraitit të Policisë Nr 2 të shtetasve E. S., 40 vjeç, A. K., 27 vjeç dhe A. K. 45 vjeç, kurse personat e tjerë janë larguar me automjetin tip “Mercedes Benz”. Po punohet për kapjen e personave të tjerë të përfshirë në këtë konflikt. Po kryhen veprimet proceduriale. (E.K/SHUPLAKA)
Discussion about this post