Shkrimtari i njohur shqiptar nga Maqedonia, Kim Mehmeti do jetë sot në “Çadra e Lirisë”, pranë kreut të opozitës Lulzim Bashës. Shkrimtari Kim Mehmeti sot në orën 18:00 do të jetë pranë demokratëve, mëson Shuplaka, me burime pranë Partisë Demokratike.
Ai bëhet kështu një prej intelektualëve që i thonë “po” kauzës së opozitës që i sheh zgjidhjet te zgjedhjet e lira e të ndershme.
Duhet të theksojmë që shkrimtari i bashkohet opozitës në një kohë kur edhe situate politke në Maqedoni nuk është e qetë por e përfshirë nga protestat. Kim Mehmeti hidhet kështu në krahun e intelektualëve të angazhuar, që i shkon profilit të tij prej antikonformisti.
Po kështu Kim Mehmeti ka dalë kundra në qëndrim ndaj kryeministrit Edi Rama. “Absolutisht jo, madje edhe këtë mandat e ka pasur tepër”, ka thënë Mehmeti i pyetur nëse Rama duhet të marrë një mandat të dytë.
Kësaj çadre i janë bashkuar edhe një sërë figurash të njohura si Mark Marku, Alida Cota, Alfred Lela e të tjerë.
(J.V/Shuplaka)
Discussion about this post