Dy banesa janë shkrumbuar nga zjarri mëngjesin e sotëm në Fushëkrujë. Ngjarja ka ndodhur në lagjen ”Kastriot”. Fatmirësisht nga zjarri nuk ka pasur të lënduar në njerëz po vetëm dëme materiale.
Për të shuar zjarrin kanë mbërritur në vendngjarje dy zjarrëfikëse nga Tirana dhe Durrësi, pasi zjarrëfiksja e këtij qyteti ka qenë me defekt. Vonesa dhe probleme që në raste të tilla mund të dëmtojnë edhe jetë njerëzish. Edhe para disa ditësh në Maliq u vu re defekti në këto mjete shpëtimi, ku në vend të huante flakët që kishin përfshirë Pallatin e Kulturës u dogj edhe vetë.
Shkak i zjarrit në banesa mendohet të ketë qenë një shkëndijë elektrike. Pronarët e këtyre banesave kanë qenë Lik Balliu dhe Ruzhdi Dedja.
