Në orët e para të mëngjesit të sotëm janë përfshirë nga flakët dy makina në aksin rrugor Skelë-Ujë i Ftohtë në Vlorë. Ngjarja ka ndodhur rreth orës 03:35, në Lungomare.
Policia ka shkuar menjëherë në vendngjarje dhe ka konstatuar pjesërisht të djegur në pjesën e përparme, dy automjete të parkuara, një tip “ Mercedes Benz”, në pronësi të shtetasit F.D., dhe mjetin tip “Opel”, në pronësi të E.R..
Nga këto diegie ka vetëm dëme materiale pasi nuk ka persona të lënduar. Nga veprimet e para hetimore ka rezultuar se vatra e zjarrit është shkaktuar nga një shkëndijë elektrike në mjetin Benz të sapo parkuar në të cilin ka qenë prezent edhe drejuesi i tij dhe për pasojë ka marrë flakë edhe mjeti tjetër i parkuar.
(J.V/Shuplaka)
Discussion about this post