Burime bëjnë me dije për Faxweb.al se i është vënë flaka dy makinave në bulevardin kryesor të qytetit të Elbasanit. Sipas burimeve bëhet fjalë për mjetin e gjyqtarit Arben Vrionit dhe bashkëshortes së tij.
Vrioni u shkarkua nga detyra e kreut të gjykatës së Apelit në Durrës në Janar të këtij viti, për shkak se nuk mundi që të kalonte Vetingun. Dyshohet se ngjarja e sotme në Elbasan ka qenë e qëllimshme, dhe pavarësisht ndërhyrjes së zjarrfikësve, mjetet pothuajse janë shkrumbuar tërësisht.
Ai ka pasur disa çështje të nxehta në dorë, mes tyre dhe lirimin e Lulzim Berishës, kreun e bandës së Durrësit.
Vrioni nuk arriti të justifikonte mbi 6.5 milion lekë investime dhe pasuri, ndërsa përpjekjet e tij për të shpjeguar disa transaksione e futën atë në telashe të tjera.
Trupa që gjykoi rastin vendosi të shkarkonte gjyqtarin duke arsyetuar se ai kishte “mungesë burimesh financiare të ligjshme” dhe kishte bërë “deklarim të pasaktë e të pamjaftueshëm”.
(E.K/Faxweb.al)
