Një banesë është përfshirë nga flakët në fshatin Fullqet të Klosit. Zjarrfikësja nuk ka shkuar në vendngjarje për shkak të terrenit të vështirë raporton “FaxNews”.
Mësohet se banesa është shkrumbuar e gjitha nga flakët por ka vetëm dëme materiale dhe jo në njerëz. Nga zjarri në këtë banesë kanë mbetur në qiell të hapur 3 familje. Të tre familjet kanë gjithsej 14 anëtarë, 2 prej të cilëve janë të mitur. Duhet të themi që këto ditë temperaturat janë shumë të ulta dhe se familjarët e kanë shumë të vështirë jetesën pa një banesë. (J.V/Faxweb)
