Shkuan në dasmë, helmohen nga ushqimi 50 dasmorë në Shijak

50 persona janë helmuar nga ushqimi në një lokal dasme në Shijak.

Kjo ngjarje ka ndodhur ditën e djeshme dhe shefja e repartit të Infektivit pohon se 50 persona janë paraqitur në spital me diarre.  

Burime nga spitali bëjnë me dije se ata u paraqitën me simptomat e qarta të një helmimi nga ushqimi, por ende nuk është përcaktuar se cfarë ushqimi u ka bërë keq.

Nga të paraqiturit në urgjencë, 38 persona kanë marrë mjekimin e nevojshëm dhe janë larguar, ndërkohë që 12 prej tyre janë shtruar, pasi gjendja e tyre paraqitet më kritike. (J.V/Shuplaka)