Shkup/BDI, Aleanca dhe Besa bëhen bashkë për herë të parë

Për të parën herë, këtë të shtunë do të bashkohen të gjitha formacionet politike shqiptare të Shkupit.

Sipas televizionit “Top Channel”, tre partitë kryesore, BDI, Besa dhe Aleanca për Shqiptarët do të deklarojnë në një dalje të përbashkët për mediat, frontin e tyre unik politik dhe kërkesat e përbashkëta si kusht për bërjen e qeverisë së ardhshme maqedonase. 

Për shkak të kandidimit më vete, në zgjedhjet e dhjetorit shqiptarët humbën 9 deputetë.

Shumica e popullsisë shqiptare në Maqedoni votuan për LSDM-në e qendrës së majtë drejtuar nga Zoran Zaev, e cila kandidoi edhe me dy deputetë shqiptarë. (D.D/Shuplaka)