Në një kohë që një pjesë e qytetarëve kishin çarë kordonin e kryeministrisë, opozita iu ka bërë thirrje atyre që të nisin marshimin drejt Kuvendit.
Nenkryetari Edi Paloka u bëri thirrje protestuesve te ndjekin liderin e opozites Lulzim Basha ne marshim drejt parlamentit.
Ndërkohë që në këto momente në Bulevardin Dëshmorët e Kombit kanë nisur reshje të shumta të shiut, çka ka bërë që një pjesë e qytetarëve të kenë probleme, dhe është dashur dhe hapja e çadrave.
E veçantë është fakti se vetë krerët e opozitës kanë ecur në shi, dhe nuk kanë pranuar që të rrinë nën çadra. Protestës i është bashkuar dhe ish-kryeministri Sali Berisha.
Kujtojmë se kjo është protesta e 3-të masive që zhvillon opozita e bashkuar pas asaj të 16 Shkurtit dhe të 16 Marsit, pas vendimit për të djegur mandatet e deputetëve dhe për të dalë në rrugë. Edhe në protestat e tjera kombëtare, pjesëmarrja ka qenë e konsiderueshme, ndërsa për herë të parë qytetarët grumbullohen në orët e pasdites.
Opozita kërkon një qeveri tranzitore, që të mund të çojë vendin në zgjedhje të parakohshme, pa Edi Ramën kryeministër. Vendi prej javësh ndodhet në një kolaps instyitucional, pasi ende nuk është bërë e mundur që të plotësohet numri prej 140 deputetësh që parashikon Kushtetuta e vendit.
E megjithatë derimë tani nuk ka asnjë hap pas nga mazhoranca socialiste, ndërsa Rama është shprehur se do të mbajë mandatin deri në vitin 2021.
(E.K/FAXWEBA.AL)
Discussion about this post