Shmanget tragjedia në Sarandë, 12 persona shpëtojnë nga mbytja

Mesditën e sotme në qytetin e Sarandës, plot 12 persona, mes tyre edhe fëmijë, kanë shpëtuar për mrekulli nga mbytja.

Mësohet se disa miq e familjarë, të cilët kishin dashur të kalonin pushimet në plazhin e Sarandës, kanë zbritur nga mali në këmbë për të shkuar në plazh, mirëpo duke qenë se deti ka qenë shumë I dallgëzuar, ata janë ndier të rrezikuar dhe nuk arrinin dot të ngjiteshin përsëri në mal. Kështu një prej tyre ka thirrur policinë t’u vinte në ndihmë.

DETAJET E POLICISË

Më datë 25.07.2017 rreth orës 13.00, salla operative e Kufirit Sarandë njoftohet nga shtetasi B.K., i cili sqaron se ndodhet në Krorëz në breg të detit së bashku me familjen e tij dhe disa persona të tjerë, të cilët kanë shkuar me këmbë nga mali për të bërë plazh në këtë zonë.

Duke qenë se deti ka qënë i dallgëzuar shumë ata janë ndier të rrezikuar dhe nuk kanë mundur të ngjiten përsëri lartë në mal, prandaj kanë kërkuar ndihmë.

Menjëherë me marrjen e njoftimit për tju dhënë ndihmë kanë shkuar shërbimet e Policisë Kufitare ku me të mbëritur në vendin e njoftuar kanë konstatuar 12 persona:

1- B.K., 45 vjeç, banues në Tiranë.

2- M.K., 42 vjeçe, banuese në Tiranë.

3- I.K., 15 vjeçe, banues në Tiranë.

4- K.K., 9 vjeç, banues në Tiranë.

5- E.Q., 45 vjeç, banues në Tiranë.

6- I.Q., 40 vjeçe, banues në Tiranë.

7- F.Q.,12 vjeçe, banuese në Tiranë

8- E.Q., 9 vjeçe, banuese në Tiranë.

9- T.V., 47 vjeç, banues në Tiranë.

10- A.V., 43 vjeçe, banuese në Tiranë.

11- E.V., 16 vjeç, banues në Tiranë.

12- A.V., 13 vjeçe, banuese në Tiranë.

Të gjithë shtetasit e mësipërm u gjetën nga shërbimet e Policisë në gjëndje shëndetësore të mirë shëndetësore. Policia Kufitare, ka bërë transportimin e tyre për në Lukovë, Sarandë, me mjet lundrues të Policisë, ku u nxorrën në terren tokësor në gjendje të mirë shëndetësore dhe pa probleme. (D.D/Shuplaka)