Një ngjarje e rëndë është evituar në Shkodër, pasi një sasi tritoli është vendosur në automjetin e administratorit të Vllaznisë, Suad Lici.
Fatmirësisht lënda plasëse nuk ka shpërthyer pasi Lici e ka pikasur në kohë dhe ka lajmëruar menjëherë policinë. Ngjarja ka ndodhur në lagjen Ahmet Haxhia.
Mësohet se makina ka qenë e parkuar në afërsi të banesës së Licit, dhe derimë tani policia nuk ka asnjë të dyshuar si autor për vendosjen e pakos së dyshimtë.
Pritet që në Shkodër të mbërrijnë eskpertë të forcave xhenio në mënyrë që të bëjnë shpërthimin e kontrolluar të pakos.
Lici është kërcënuar dhe më parë për shkak të postit të tij në krye të Vllaznisë, ngjarje për të cilat më parë ka lajmëruar dhe kryetaren e Bashkisë së Shkodrës Voltana Ademi.
Njoftimi i policisë së Shkodrës për rastin:
Më datë 16.02.2020, rreth orës 08:56, shtetasi S. L. 46 vjeç, banues në lagjen “Ahmet Haxhija”, Shkodër ka njoftuar Sallën e Drejtimit në DVP Shkodër, se poshtë mjetit të tij tip Benz, ka konstatuar një pako të mbështjellë me letër natriban ku dyshohet se mund të ketë lëndë plasëse.
Në vend ndodhen shërbimet e policisë dhe grupi hetimor ku vijon puna për sqarimin e rrethanave të ngjarjes.
https://www.youtube.com/watch?v=-X4msGFxVck&feature=youtu.be
(E.K/Faxweb.al)
