Drejtësia angleze jep vendimin për dënimin e dy shqiptarëve të cilët u arrestuan më 14 shkurt të këtij viti, pasi banesën e tyre e kishin kthyer në një “fabrikë” të prodhimit të kanabisit.
Gjykata në Shreësbury, ka vendosur 20 muaj heqje lirie për Besim Tafën, 45 vjeç , si edhe 12 muaj burg për 19-vjeçarin, Ardit Mehalla.
Mediat angleze shkruajnë se Tafa kishte rreth 1 javë që banonte në shtëpinë ku u gjetën dhe sekuestruan 273 bimë kanabisi për të cilat ai kujdesej. Ndërsa Mehalla lëvizte me furgon dhe transportonte furnizime.
Mësohet se të dy këta, kishin hyrë ilegalisht në Britani dhe kishin pagur një shumë të konsiderueshme parash për ta realizuar këtë.
Pas një operacioni, policia angleze zbuloi në 6 dhoma të shtëpisë plot 273 bimë të cilat ishin gati për t’u korrur si dhe sekuestroi rreth 950 paund.
Ndërkaq, avokati mbrojtës i Tafës ka deklaruar se klienti i tij ishte punësuar pasi besonte se do bënte punë krahu dhe jo të kujdesej për kanabisin.
“Ai nuk ka lidhje me fabrikën e kanabisit, por pranon se kujdesej për bimët”- tha avokati Andreë Holland. (D.D/Shuplaka)
