Një drejtues mjeti në gjendje të dehur është bërë rrezik aksidenti në autostradën Tiranë-Elbasan. Për shkak të gjendjes së tij ai bënte manovra të rrezikshmë gjatë rrugës, siç shihet edhe nga pamjet.
Ai vazhdon për një kohë të gjatë rrugën duke lëvizur sa nga një korsi në tjetrën.
Një makinë i afrohet për ta parakaluar, por nuk mundet dot pasi është tepër e rrezikshme.
Qytetari i cili ka dërguar videon shprehet se më vonë e zuri gjumi në makinë dhe e është dashur ndërhyrja e policisë.
Nuk është hera e parë që shoferë të tillë bëhen burim aksidentesh në rrugë.
Ngjarja ka ndodhur pasditen e djeshme.
Qytetari shkruan:
“Pershendetje JOQ! Nje shofer i pir ne autostraden tiran elbasan dje dhe ne fund e zuri gjumi ne timon ne mes trruges der sa u njoftu policia qe erdhi e zgjoi dhe e mori.”
