Vettingu, Vettingu, Vettingu është një nga termat më të dëgjuar ditët e fundit mes socialistësh në vendin tonë . Koncept që duke u injektuar kaq shumë nga politikanët është ngulitur thellë edhe në trurin e qytetarëve.
Se pse dhe si do të ndikojnë Vettingu askush nuk e di, po duke dëgjuar politikanët do të duket si një shkop magjik që do të na zgjidhë të gjitha problemet.
E në këtë frymë ditët e fundit një pjesë e të quajturës ‘’shoqëri civile’’ në vend ka nisur një peticion për mbledhjen e firmave.
‘’1 milionë firma për Vettingun’’ quhet nisma po që sesa baza ligjore ka kjo vihet në pikëpyetje.
Pas qytetarëve rradha e firmave është kryesuar nga përfaqësuesit politik të mazhorancës të cilët nuk kanë munguar të firmosin dhe të shprehen pro kësaj nisme.
Rasti më qesharak na vjen nga Vlora ku shoferi i autobusit ka ‘’braktisur’’ mjetin së bashku me qytetarët për të hedhur firmën e tij në çadrën e Vettingut. Si duket edhe ai ka dashur të japë ”kountributin” e tij për Reformën e shumëpërfolur. Ndërkohë që pasagjerët prisnin që ai të kthehej në krye të detyrës për drejtimin e mjetit. Epo Reforma meriton shumë më shumë se 5 minuta. (E.K/SHUPLAKA)
Discussion about this post