Zinedine Zidane ka konfirmuar largimin e tij nga gjigandët spanjollë Real Madrid, pasi udhëhoqi klubin në mënyrë mjaft të suksesshme duke fituar tre tituj të Ligës së Kampionëve.
46-vjeçari e udhëhoqi Madridin në fitoren e një titulli të tretë të Ligës së Kampionëve në një triumf 3-1 ndaj Liverpulit, fundjavën e kaluar.
“Unë e dua këtë klub dhe presidentin që më dha mundësinë për të luajtur për këtë klub dhe për të menaxhuar klubin e ëndrrave të mia”, u tha Zidane gazetarëve.
“Por gjithçka ndryshon dhe kjo është arsyeja pse unë kam marrë vendimin për t’u larguar. I fola atij [Florentino Perez] për të shpjeguar pak atë që po mendoja në këtë moment. Së pari për mua, skuadra, klubi mendoj se është pak një moment të çuditshëm.
Ajo që unë mendoj është se ky ekip duhet të vazhdojë të fitojë, por mendoj se ka nevojë për një ndryshim, një zë tjetër, një metodologji tjetër dhe për këtë arsye e kam marrë këtë vendim”.
Presidenti i Real Madridit Florentino Perez tha: “Ky ishte një vendim krejtësisht i papritur dhe sot është një ditë e trishtuar për mua dhe për të gjithë ata që punojnë për këtë klub.
“Kur ai thotë se ai ka marrë një vendim, megjithatë, duhet ta pranojmë atë. Unë u përpoqa ta bind atë, por e di se si është. Ai e di se ai ka të gjithë dashurinë dhe mbështetjen tonë.
“Nuk mund të përgatitet për diçka të tillë. Më kujtohet hera e parë që shkova në shtëpinë e tij dhe e pyeta për të trajnuar Real Madridin dhe ai ishte absolutisht i bindur se mund të fitonte tituj.
Ne duhet ta falënderojmë atë për kujdesin dhe pasionin e tij për Real Madridin gjatë këtyre viteve.
E vetmja gjë që unë dua të them është ‘hasta pronto’ [shohim së shpejti] sepse e di se do të kthehet, ndoshta pas një pushimi”. (B.H/Faxweb)
