Pas përfundimit të Eurovisionit, Eugent Bushpepa u rikthye në atdhe me krenar se kurrë, për të gjithë përfaqësimin dinjitoz. Mirëpo Eurovizioni u diskuta dhe pati polimika nga më të ndryshmet në lidhje me perfomancën jo vetëm të këngëtarëve në skenë, por edhe në backstage.
Pak ditë më parë Eugenti postoi nje fotot në rrjetet sociale me Eleni Foureiras, vajzën nga Patosi i Fierit, që përfaqësoj Qipron, duke bërë shqiponjën me duar. Mediat greke reaguan shumë ashpër duke e quajtur provokim këtë veprim të këngëtares e cila përfaqësonte Qipron.
“Të gjithë e dimë që ky simbol që ka bërë Eleni me këngëtarin shqiptar përfaqëson idenë që shqiptarët kanë për Shqipërinë e Madhe, por me siguri Eleni nuk është në dijeni të një fakti të tillë ndaj e ka bërë atë veprim. Më duket se Eleni me këtë simbol tregon se nuk është nga Meksika“, komentonte me ironi një gazetare greke.
Pasi publikoi këtë foto, Eugentit ja ka kanë kërkuar ta fshijë në mënyrë të menjëhershme këtë foto, kështu ka komentuar këngëtari që përfaqësoi Shqipërinë në Eurovision.
“Përfaqësuesit e Qipros më kërkuan që ta fshija foton, por Eleni më tha jo. I kërkova shumë ndjesë, por tha nuk ke përse. Ajo këmbënguli shumë që të mos e heq foton, sepse nuk do të fshehë më prejardhjen e saj dhe se eshtë shumë krenare“, tregoi Eugenti i ftuar në Opinion. (E.V/ Faxweb.al)
Discussion about this post