Gazetari i njohur Basir Çollaku ka qenë i ftuar sot në ‘’Fax News” për të folur në lidhje me zhvillimet e fundit për kryeprokurorin dhe për rastin Tahiri. Duke komentuar atë që po ndodh në ambjentet e Gjykatave, Çollaku u shpreh se janë rritur ndjeshëm pazaret.
“Kjo është dosja më e nxehtë si për drejtësinë ashtu edhe për politikën, kjo pasi bëhet fjalë për një ish-ministër të Brendshëm. Masa e bllokimit të pasaportës duhet të kishte ardhur më herët. Nuk është Saimir Tahiri lubia e drogës në Shqipëri, po është vartës i zotit Rama. Nuk mund të bëjë asnjë drejtor policie në kokën e vetë. Trafiku ka nisur që më herët, mirëpo tashmë janë prishur balancat.
Ka filluar edhe trafiku i drogës me klering. Çohet hashash në sasi të mëdha dhe më pas shkëmbehet me drogëra më të forta. Nuk kam besim se do të bëjë gjë prokurori i ri që do të zgjidhet. Nuk mundet një njeri që të sjellë beharin e bërjes së drejtësisë.
Nuk është dosja Tahiri e vetmja, ka dhe dosje të tjera, si ajo e ish-ministrit të Shëndetësisë, apo kryebashkiakët e Durrësit dhe të Elbasanit. Madje mund të ketë edhe të qeverisë së shkuar, pasi trafiku edhe leku nuk kanë ngjyrë. Ajo që më vjen habi me nderkombëtarët është fakti se e nisin presionin me sezone, sidomos kur tejkalohen afatet. Ambasadorët kanë qenë mbështës sa në njërën anë në tjetrën të forcave politike.
Nëse shkon në ambjentet e Drejtësisë të duket sikur je në një market ku ka të afishuara një fletë me shënime, të cilat janë rritur ndjeshëm çmimet. Pazaret shtohen në sezonin e Verës dhe në Vitin e ri, kështu më thoshte një miku im që punon në ambjentet e Prokurorisë”, u shpreh Çollaku.
(E.K/Faxweb)
