Shokon këshilltari i Trump: Uroj që Obama të vdesë nga sëmundja e lopës së çmendur

Një deklaratë shokuese ka bërë së fundmi këshilltari i Presidentit të SHBA-ve, Carl Paladino, i cili ishte dhe kryetari i fushatës zgjedhore të Trump në Neë York.

I pyetur nga një gazetë se cilat ishin dëshirat e tij për vitin 2017, ai u shpreh: “Uroj që Barack Obama të vdesë nga sëmundja e lopës së çmendur.” Ndër dëshirat e tij për vitin e ardhshëm, ai renditi edhe një dëshirë lidhur me Michelle Obama, për të cilën u shpreh se uron që të zbulohet se Zonja e Parë ka qenë gjatë gjithë kohës mashkull.

Kur u pyet nga “The Buffalo Neës´për vërtetësinë e këtyre komenteve, ai u shpreh: “Sigurisht që i kam bërë. T’ia tregoni atyre.”

Menjëherë pas komenteve të Paladino-s, reagoi guvernatori Andreë Cuomo, i cili u shpreh se Carl Paladino ka një histori të gjatë komentesh raciste dhe provokuese. Shumica e banorëve të Neë York-ut e dinë që ai nuk duhet të merret seriozisht për shkak se sjellja e tij e çrregullt shpërfill çdo analizë racionale.

Paladino është komentuar shpeshherë për deklratat e tij, siç është edhe ajo ndaj homoseksualëve që shkaktoi zemërim kur ai u shpreh ndër të tjera se fëmijët duhen mbajtur larg nga paradat e tyre. (XH.A/SHUPLAKA)