Në datën e Çlirimit të Vendit nuk kanë munguar as rastet e nostalgjikëve. Pasi kemi parë simbole të Partisë së Punës dhe simbolet e Enver Hoxhës, një partisan shkodran na ka habitur edhe më tej.
Ai ka treguar se në kohën e luftës me fashistet italianë e nazistët gjermanë ka vrarë me dorën e tij 300 gjermanë, e mes tyre Hamit Matjanin. Një shifër kjo që hap jo pak debat, duke marrë parasysh gjendjen në të cilën ndodheshin luftëtarët shqiptarë.
“…Për lirinë dhe pavarësinë e Atdheut tonë kundra okupatorëve fashistë italianë dhe nazistëve gjermanë, e të tjerëve që deshën të hanin me një kafshatë Shqipërinë, por nuk e gjetën atë, gjetën vetëm plumbin…se kam vrarë 300 gjermanë unë, kam vrarë Hamit Matjanin me dorën time”,- thotë veterani.
(E.K/Faxweb)
